Музыка
Текст
Жас дәурен жыры
Сөзін жазған Бақыткерей Ысқақов
Әнін жазған Серік Керімбеков
1.Жас дәурен жайсаң жылдарым менің,
Қай жаққа бастап барасың, дәурен?.
Айтылмай қалған әндерім менің,
Жүректе қашан жанасың, дәурен?.
Қайырмасы
Жібіндей сусып, жібектің, дәурен,
Өтеді жылдар білінбей, дәурен.
Есіктің емес жүректің, дәурен,
Ілгегі тұрсын ілінбей, дәурен.
2.Шаттыққа тоймай бұл күнде өзім,
Шақырам досты, жолдасты, дәурен.
Келсең де бәрің бір түнде достар,
Базарлы төрім толмас-ты, дәурен.
Қайырмасы
Жібіндей сусып, жібектің, дәурен,
Өтеді жылдар білінбей, дәурен.
Есіктің емес жүректің, дәурен,
Ілгегі тұрсын ілінбей, дәурен.
3.Келіңдер қызып, еркелеп достар,
Тербетші әнмен, тербетші дәурен.
Жастықтың жырын термелеп достар,
Қиялдың құсын өрлетші, дәурен.
Қайырмасы
Жібіндей сусып, жібектің, дәурен,
Өтеді жылдар білінбей, дәурен.
Есіктің емес жүректің, дәурен,
Ілгегі тұрсын ілінбей, дәурен.
